طريقة عمل اطار للصور للمبتدئين في الفوتوشوب

طريقة عمل اطار للصور للمبتدئين في الفوتوشوب

السلام عليكم


عمل اطارات بالفوتوشوب

من اسهل المهارات اذا عرفنا الاساسيات فيها

و بس تدربون شوي زياده تقدرون تبدعون و تغيرون فيها

بعطيكم الطريقه الاساسيه و بيكون الاطار على شكل خشب

و بنبدا فيها من الصفر

اول شي نفتح ورقه عمل جديده
File> New

نختار الطول و العرض = 400
و الخلفيه شفافه = transparent



نختار في مربعات الالوان لون البني بدرجتين مثلا انا اخترت هاللونين



و باداة الدلو نلون صفحه العمل كلها

نروح على الامر التالي
Filter> Render> Fibers



بيظهر لنا الصندوق التالي اختاروا



Variance= 42.0
Strength= 36.0

او غيروا مثل ما تحبون

و اضغطوا على ok

بتظهر لنا الخطوط بالطول



فبنحولها للعرض بالذهاب للامر التالي
Image>rotate canvas> 90 CW



و بتظهر لنا الخطوط بالعرض



و بجذيه صار عندنا اساس الاطار

الحين بنكون الاطار من هالخلفيه
نختار اداه التحديد (المستطيل المنقط)
و نحدد على خلفيتنا مربع داخل تحديد الاطار الاصلي
مثل ما في الصورة



و نضغط على الكيبورد
Delete
بيصير عندنا الشكل التالي



نروح على صندوق الشرائح و نضغط مرتين على المكان الرمادي



بتظهر لنا الاوامر التاليه نختار منها
Bevel and emboss
و نضغط على المكان الرمادي الغامق اللي حذالها علشان تظهر لنا اوامر نقدر فيها نتحكم بهالخاصيه
و نختار الخواص مثل ما اختر انا في المثال التالي



Style = inner Bevel
Technique = Chisel Hard
Depth = 401
Size = 5

و نضغط ok

بيظهر لنا شكل الاطار النهائي



الحين نفتح الصوره اللي نبغي نعمل لها اطار من
File> open

و نختار الصورة و نسحبها مثل ما سوينا في درس التوقيع و نحطها في صفحه الاطار
نصغرها او نكبرها مثل ما نبغي و على حسب الاطار



روح على صندوق الشرائح بتكون الشرائح بهالترتيب



و نسحب شريحه الصوره لتحت شريحه الاطار علشان الاطار يكون فوق و الصورة تحت
و بيصير ترتيب الشرائح بهالشكل



و بيظهر لنا الشكل النهائي



و انتهى الدرس

سهل صح؟؟؟ ^_^

اذا عندكم سؤال فانا جاهز تفضلوا بالاسئله و بحاول اجاوبكم ان شاء الله